OBRADOIRO DE AUTONOMÍA E HÁBITOS SAUDABLES

Obradoiro de Autonomía e Hábitos Saudables

Neste obradoiro traballamos diversas temáticas:

En primeiro lugar a autonomía, ensinándolles a preparar a súa roupa para vir ao cole, a mochila, gardar o pixama... Ademais, aprenderon a poñer o mandilón ao chegar ao colexio e colgar o seu abrigo no lugar correspondente.

Para iso elaborouse unha presentación e diversas actividades relacionadas coa mesma, como secuencias temporais e puzles, ademais das actividades interactivas.

No segundo trimestre traballouse a alimentación sana, cun conto sobre ela, unha presentación onde se mostran os alimentos saudables e os que non o son, a elaboración dunha pirámide alimenticia utilizando folletos dos supermercados e rematando coa elaboración de galletas saudables feitas con plátano, avena, froitos secos e chocolate negro.

Para rematar, traballaremos os hábitos saudables elaborando un xogo de Memory sobre este tema con tarxetas sobre o baño, o cepillado de dentes, o aseo diario…, actividades interactivas e dedicaremos unha sesión a facer o noso propio xabón. Tamén iniciarémonos na importancia de axudar na casa con actividades relacionadas con tarefas sinxelas, como poñer a mesa, facer a cama, recoller as nosas cousas…

Obradoiro da linguaxe

Ao longo deste curso, o especilista de Audición e Linguaxe, en colaboración coa titora e o departamento de orientación, levou a cabo uns obradoiros de estimulación da linguaxe, centrados principalmente na lectoescritura. O obxectivo é previr e detectar posibles dificultades no inicio do proceso lectoescritor. Iniciouse no primeiro trimestre con actividades e xogos de construcción de palabras (aforcado, sopa de letras, deletreo, forma palabras, ...) No segundo trimestre afianzouse coa lectura de palabras e construcción de frases, mediante exercicios interactivos individuales na aula de informática. E por último, no terceiro trimestre, estamos a traballar a lectura de contos, expresión oral e escrita e dramatización.